ಜೀವಕೋಶಗಳ ಆಧ್ಯಯನ
ಕೆಲವು ಅನ್ವೇಷಕರ ಪ್ರಕಾರ ‘ಜೀವ’ ಎಂಬುದು ಪ್ರತಿಕ್ರಿಯೆ, ಪ್ರಚೋದನೆ, ಸಂತಾನೋತ್ಪತ್ತಿ ಮತ್ತು ಚಲನೆಯಂತಹ ಲಕ್ಷಣಗಳನ್ನು ಹೊಂದಿರುತ್ತದೆ.
# ಕೋಶಿಯ ಸ್ವರೂಪ: ಜೀವಿಗಳು ಜೀವಕೋಶವೆಂಬ ಅತ್ಯಂತ ಸೂಕ್ಮ ಮೂಲ ಘಟಕಗಳಾಗಿವೆ. ಉದಾ: ಆಹಾರ+ಆಮ್ಲಜನಕ-> ಶಕ್ತಿ.
# ಜೀವಿಗಳು ಆಮ್ಲಜನಕವನ್ನು ಸ್ವೀಕರಿಸಿ ಕಾರ್ಬನ್ ಡೈ ಆಕ್ಸೈಡ್ ನ್ನು ವಿಸರ್ಜಿಸುತ್ತವೆ. ಪ್ರಾಣಿಗಳಲ್ಲಿ ಉಸಿರಾಟಕ್ಕಾಗಿ ವಿವಿಧ ಅಂಗಗಳಿವೆ. ಅವುಗಳೆಂದರೆ, ಮನುಷ್ಯ-ಶ್ವಾಸಕೋಶಗಳು, ಮೀನಿನಲ್ಲಿ-ಕಿವಿರು, ಕಪ್ಪೆಯಲ್ಲಿ-ಚರ್ಮ, ಕೀಟಗಳಲ್ಲಿ-ಟ್ರೇಕಿಯಾ.
# ಜೀವಿಗಳಲ್ಲಿ ಶಕ್ತಿಗೆ ಮೂಲ ಆಹಾರ. ಕೆಲವು ಪ್ರಾಣಿಗಳು ಸಸ್ಯಗಳನ್ನು (ಸಸ್ಯಹಾರಿ) ಅವಲಂಭಿಸಿವೆ. ಇನ್ನೂ ಕೆಲವು ಪ್ರಾಣಿಗಳು ಮಾಂಸವನ್ನು (ಮಾಂಸಹಾರಿ) ಅವಲಂಭಿಸಿವೆ. ಹಸಿರು ಸಸ್ಯಗಳು ದ್ಯುತಿ ಸಂಶ್ಲೇಷಣೆ ಕ್ರಿಯೆಯ ಮೂಲಕ ತಮ್ಮ ಆಹಾರವನ್ನು ತಾವೇ ತಯಾರಿಸಿಕೊಳ್ಳುತ್ತವೆ.
ಅಪರಾವರ್ತ್ಯ ಪ್ರಕ್ರಿಯೆ
ಸೈಟೋಪ್ಲಾಸಂ ನಲ್ಲಿ ಒಮ್ಮೆ ಉಂಟಾದ ಹೆಚ್ಚಳ ಕಡಿಮೆ ಆಗದಿರಿವುದನ್ನು ಅಪರಾವರ್ತ್ಯ ಪ್ರಕ್ರಿಯೆ ಎನ್ನುವರು.
# ಜೀವಿಗಳಲ್ಲಿ ನಿರ್ದಿಷ್ಟ ಗಾತ್ರ ಮತ್ತು ಆಕಾರವಿದೆ. ಆದರೆ ಅವುಗಳ ಗಾತ್ರ ಮತ್ತು ಆಕಾರವು ಒಂದು ರೀತಿಯ ಜೀವಿಯಿಂದ ಇನ್ನೊಂದು ಜೀವಿಗಳಿಗೆ ವಿಭಿನ್ನವಾಗಿರುತ್ತದೆ. ಸಾಮಾನ್ಯವಾಗಿ ನಿರ್ಜೀವಿಗಳಿಗೆ ನಿರ್ಧಿಷ್ಟ ಗಾತ್ರ ಮತ್ತು ಆಕಾರವಿರುವುದಿಲ್ಲ. ಆದರೆ ವಜ್ರ, ಅಯೋಡಿನ್ ಅಡಿಗೆ ಉಪ್ಪಿನಂತಹ ರಾಸಾಯನಿಕ ಹರಳುಗಳಿಗೆ ನಿರ್ಧಿಷ್ಟ ಆಕಾರವಿರುತ್ತದೆ.
# ಜೀವಿಗಳಲ್ಲಿ ಚಲಿಸುವ ಸಾಮರ್ಥ್ಯವಿದೆ. ಆದರೆ ಹವಳ, ಸ್ಪಂಜು ಮತ್ತು ಸಮುದ್ರದ ಅನಿಮೋನುಗಳಂತಹ ಕೆಲವು ಪ್ರಾಣಿಗಳು ಚಲಿಸುವುದಿಲ್ಲ. ಕ್ಲಾಮಿಡೋ ಮೊನಾಸ್, ವಾಲ್ವಾಕ್ಸ್ ಗಳಂತಹ ಕೆಲವು ಶೈವಲಗಳಲ್ಲಿ ಇಡೀ ದೇಹ ಚಲಿಸುತ್ತದೆ. ಬಹುತೇಕ ಸಸ್ಯಗಳಲ್ಲಿ ಚಲನೆಯು ಕೆಲವು ಭಾಗಗಳಿಗೆ ಮಾತ್ರ ಸೀಮಿತವಾಗಿರುತ್ತದೆ. ಅವುಗಳಲ್ಲಿನ ಈ ಚಲನೆಗಳು ಬಾಹ್ಯ ಪ್ರಚೋದನೆ ಗಳಿಂದಾಗುತ್ತವೆ. ಕಲ್ಲು , ಲೇಖನಿ, ಕಾಗದದ ಚೂರು ಗಳಂತಹ ನಿರ್ಜೀವಿಗಳು, ಬಾಹ್ಯಬಲದ ಸಹಾಯವಿಲ್ಲದೆ ಚಲಿಸಲಾರವು .
ಪ್ರಾಣಿಗಳಲ್ಲಿ ಚಲನೆಗಾಗಿ ಇರುವ ನಿರ್ದಿಷ್ಟ ರಚನೆಗಳು
- ಹಸು - ಕಾಲು
- ಪಕ್ಷಿ – ರೆಕ್ಕೆ
- ಹೈಡ್ರಾ – ಕರಬಳ್ಳಿ
- ಪ್ಯಾರಮೀಸಿಯಂ – ಲೋಮಾಂಗ
- ಯೂಗ್ಲಿನ್ – ಕಶಾಂಗ
- ಅಮಿಬಾ – ಮಿಥ್ಯಾಪಾದ
# ಪ್ರತಿಯೊಂದು ಜೀವಿಗಳು ತಮ್ಮ ಸುತ್ತ ಮುತ್ತಲಿನ ವಾತಾವರಣದಲ್ಲಿ ನಡೆಯುವ ಬದಲಾವಣೆಗಳಿಗೆ ಪ್ರತಿಕ್ರಿಯಿಸುತ್ತವೆ. ಸುತ್ತಮುತ್ತ ನಡೆಯುವ ಬದಲಾವಣೆಯೇ ಪ್ರಚೋದನೆ. ಪ್ರಚೋದನೆಗೆ ಪ್ರತಿಯಾಗಿ ವ್ಯಕ್ತವಾಗುವ ಕ್ರಿಯೆಗೆ ಪ್ರತಿಕ್ರಿಯೆ ಎನ್ನುವರು. ಪ್ರಚೋದನೆಗಳಿಗೆ ಉದಾಹರಣೆ ಶಬ್ಧ, ಬೆಳಕು, ಒತ್ತಡ ಇತ್ಯಾದಿ.
ಪ್ರಚೋದನೆ ಪ್ರತಿಕ್ರಿಯೆಗೆ ಉದಾ:
- ಮುಟ್ಟಿದ ಮುನಿ ಸಸ್ಯದ ಎಲೆಗಳು ಮುಟ್ಟಿದ ತಕ್ಷಣ ಮುಚ್ಚಿಕೊಳ್ಳುತ್ತವೆ.
- ಸಹಸ್ರಪಧಿಯನ್ನು ಮುಟ್ಟಿದ ತಕ್ಷಣ ಅದು ತನ್ನ ದೇಹವನ್ನು ಸುತ್ತಿಕೊಳ್ಳುತ್ತದೆ.
- ಸೂರ್ಯಕಾಂತಿ ಹೂ ಗಳು ಸೂರ್ಯನ ಕಡೆಗೆ ತಿರುಗುತ್ತವೆ.
